உலர் சருமம் இருக்கும் பெண்களுக்கு மேக்கப் எதிரியாகவே இருக்கிறது. ஃபவுண்டேஷன் முகத்தில் ஒட்டிக்கொள்கிறது, கன்சீலர் சில மணி நேரங்களில் கோடு கோடாகத் தெரிகிறது, எவ்வளவு செய்தாலும் உங்கள் பிரகாசம் மங்கிவிடுகிறது. இது உங்களுக்கு எரிச்சலூட்டும் அனுபவம் தான். ஆனால் நல்ல செய்தி என்னவென்றால் – உங்கள் சருமம் உலர்வாக இருந்தாலும், பளபளப்பான மேக்கப் தோற்றத்தை விட்டுக்கொடுக்க வேண்டியதில்லை.

இதற்கு சருமத்திற்கு எது உண்மையில் தேவைப்படுகிறது என்பதைப் புரிந்துகொண்டு, அதற்கேற்ப மேக்கப் முறைகளைச் சிறிது மாற்றினால் போதுமானது. ஸ்கின்கேர் செய்து கொள்வது  முதல் சரியான பொருட்களைத் தேர்வு செய்வது வரை சிறு விஷயங்களே பெரும் மாற்றத்தை ஏற்படுத்தும்.

அதனால், உங்கள் மேக்கப் மதியம் முடியும்முன் மங்கி விடுவதைப் பார்த்து நீங்கள் சலிப்படைந்திருந்தால், இதனைத் தொடர்ந்து படியுங்கள். நாங்கள் உங்களுக்கு பிரகாசமான, ஈரப்பதமுடனும் நீடிக்கும் மேக்கப்பைப் பெற உதவும் நிபுணர் குறிப்புகளை பகிர்கிறோம்.

உலர் சருமத்துக்கான படிப்படியான மேக்கப் முறைகள்

படி 1: மேக்கப்புக்கு முன் ஈரப்பதமூட்டும் ஸ்கின்கேர்

உங்கள் சருமத்தை ஓர் ஓவியத்தின் கேன்வாஸாக நினைத்துக்கொள்ளுங்கள். அது உலர்ந்திருந்தால் அழகு வெளிப்படாது.

• மென்மையான க்ளென்சரைப் பயன்படுத்துங்கள்.
• ஹயாலுரோனிக் ஆசிட், கிளிசரின், செரமைட்ஸ் போன்ற ஈரப்பதம் தரும் மாய்ஸ்ச்சரைசரைத் தேர்வு செய்யுங்கள்.
• ரோஸ்ஹிப் அல்லது மருலா போன்ற ஃபேஷியல் ஆயில் தடவலாம்.
• எப்போதும் ஹைட்ரேட்டிங் சன்ஸ்கிரீனைத் தவறாமல் பயன்படுத்துங்கள்.

படி 2: ஈரப்பதமூட்டும் ப்ரைமர்

உலர் சருமத்திற்கு ஜெல் அல்லது க்ரீம் ப்ரைமரைத் தேர்வு செய்யுங்கள். நியாசினமைடு, வைட்டமின் E. போன்றவை சிறந்தவை. மேட் அல்லது அதிக சிலிகான் ப்ரைமர்களைத் தவிர்க்கவும்.

படி 3: ஃபவுண்டேஷன் தேர்வு

• ஹெவி மேட் ஃபவுண்டேஷனை தவிர்க்கவும்.
• லைட் வெயிட், டியூவி ஃபவுண்டேஷன் அல்லது டின்டெட் மாய்ஸ்ச்சரைசர் சிறந்தது.
• ஈரமான பியூட்டி ஸ்பாஞ்ச் கொண்டு அப்ளை செய்யுங்கள்.
• இயல்பான பிரகாசத்துக்கு, சில துளிகள் ஃபேஷியல் ஆயில் அல்லது ஹைலைட்டர் கலக்கவும்.

படி 4: க்ரீஸ் ஆகாத கன்சீலர்

க்ரீமி, ஹைட்ரேட்டிங் கன்சீலரைப் பயன்படுத்துங்கள். மென்மையாகத் தடவுங்கள், லேயரிங்கைத் தவிர்க்கவும். அவசியமெனில் மிகக் குறைவான பவுடர் மட்டும் பயன்படுத்தவும்.

படி 5: க்ரீம்-பேஸ்ட் மேக்கப்

உலர் சருமத்திற்கு பவுடர் பொருட்கள் உகந்ததல்ல. க்ரீம் பிளஷ், பிரான்சர், ஹைலைட்டர் பயன்படுத்தினால் இயல்பான பிரகாசம் கிடைக்கும்.

படி 6: ஹைட்ரேட்டிங் செட்டிங் ஸ்ப்ரே

பவுடரைவிட, ஈரப்பதமூட்டும் செட்டிங் ஸ்ப்ரேவைத் தேர்வு செய்யுங்கள். தினமும் பலமுறை ஸ்ப்ரிட்ஸ் செய்து புதிய தோற்றத்தைப் பெறலாம்.

படி 7: உதடு பராமரிப்பு

• சுகர் ஸ்க்ரப் அல்லது மென்மையான டூத்பிரஷைக் கொண்டு டெட்ஸ்கின்னை அகற்றவும்.
• ஹைட்ரேட்டிங் லிப் பாமை நன்றாகத் தடவவும்.
• க்ரீமி/க்ளாஸி லிப்ஸ்டிக் அல்லது லிப் ஆயிலைத் தேர்வு செய்யவும்.

படி 8: தினசரி ஈரப்பத பராமரிப்பு

அதிகமாகத் தண்ணீர் குடியுங்கள். முகத்துக்கு ஃபேஷியல் மிஸ்ட் பயன்படுத்தலாம். சரும ஆரோக்கியம் உள்ளிருந்தே தொடங்குகிறது.

முடிவு

உலர் சருமத்துக்கான மேக்கப் எப்போதும் சிரமமானதாக இருக்க வேண்டியதில்லை. சரியான ஸ்கின்கேர், சரியான பொருட்கள், சிறிய வழிமுறைகளுடன் நீண்டநேரம் நீடிக்கும் பிரகாசமான தோற்றத்தைப் பெறலாம். உங்கள் சருமத்தை மறைப்பதல்ல, மேம்படுத்துவதே உண்மையான மேக்கப்பின் ரகசியம்.

அடிக்கடி கேட்கப்படும் கேள்விகள்

Q1. உலர் சருமத்திற்கு ஏற்ற ஃபவுண்டேஷன் எது?
டியூவி அல்லது சாட்டின் ஃபினிஷ் ஃபவுண்டேஷன், டின்டெட் மாய்ஸ்ச்சரைசர்.

Q2. பவுடர் பொருட்களை தவிர்க்க வேண்டுமா?
ஆம், மிகக் குறைவாகவே பயன்படுத்தவும். க்ரீம்-பேஸ்ட் பொருட்கள் சிறந்தவை.

Q3. மேக்கப் உலர்ந்து போகாமல் தடுப்பது எப்படி?
முன்பே நல்ல மாய்ஸ்ச்சரைசிங் செய்து, க்ரீமி பொருட்களைப் பயன்படுத்தவும்.

Q4. உலர் சருமத்தில் செட்டிங் பவுடர் பயன்படுத்தலாமா?
மிகக் குறைவாக, அது கூட எண்ணெய் பிசுபிசுப்பு உள்ள இடங்களில் மட்டும். இலேசான ட்ரான்ஸ்லூசன்ட் பவுடர் சிறந்தது.

Q5. செட்டிங் ஸ்ப்ரே அவசியமா?
ஆம், மேக்கப்பை நீண்ட நேரம் பாதுகாக்க ஹைட்ரேட்டிங் செட்டிங் ஸ்ப்ரே உதவும்.

பொறுப்புத் துறப்பு:

உங்களுக்குத் தகவல்களை அளிப்பது மட்டுமே இங்கு வழங்கப்பட்டுள்ள உள்ளடக்கத்தின் நோக்கம். இந்த வலைப்பதிவு மருத்துவ ஆலோசனை, நோய் கண்டறிதல் அல்லது சிகிச்சை ஆகியவற்றுக்கு மாற்றாகாது. மருத்துவ நிலை தொடர்பாக உங்களுக்கு ஏதேனும் கேள்விகள் அல்லது சந்தேகங்கள் இருந்தால் தகுதிவாய்ந்த மருத்துவரிடம் ஆலோசனைப் பெற வேண்டும். வலைப்பதிவில் குறிப்பிடப்பட்டுள்ள எந்தவொரு குறிப்பிட்ட சோதனைகள், மருத்துவர்கள், நடைமுறைகள், கருத்துகள் அல்லது பிற தகவல்கள் ஆகியவற்றை ரிலையன்ஸ் அங்கீகரிக்கவோ பரிந்துரைக்கவோ இல்லை.